Na. Ofisi ya Mkuu wa Mkoa
Mapinduzi
matukufu ya Zanzibar ni ukumbozi dhidi ya wanyonge na utawala wa kisultani na
kufurahia uhuru wa kweli kwa wananchi wa Zanzibar.
Kauli
hiyo imetolewa na mgeni rasmi katika kumbukumbu ya maadhimisho ya Mapinduzi
matukufu ya Zanzibar Amina Masenza wilayani Mufindi yalipofanyika maadhimisho
ya kimkoa.
Masenza
ambaye ni mkuu wa Mkoa wa Iringa amesema, “leo tunaadhimisha Kumbukumbu ya
Miaka 51 ya Mapinduzi Matukufu ya Zanzibar ya Januari 12, 1964. Uwepo wenu hapa
unadhihirisha jinsi sote kwa pamoja tunavyothamini na kuona umuhimu wa
Mapinduzi Matukufu ya Zanzibar. Tunapoadhimisha kumbukumbu hii ni vizuri
mkafahamu kuwa Mapinduzi haya ndiyo yaliyowakomboa wanyonge kutokana na dhulma
na kutawaliwa na kuwaletea Uhuru wa kweli wananchi wa Zanzibar na Tanzania kwa
ujumla.” Amesema kuwa mapinduzi hayo ndiyo msingi wa utu na heshima kwa
wananchi na Taifa kwa ujumla.
Ameongeza kuwa mapinduzi hayo yaliondoa aina zote
za ubaguzi na kujenga misingi ya haki na usawa kwa watu wote. Amesema kuwa
katika kipindi cha miaka 51 ya Mapinduzi matukufu ya Zanzibar mshikamano na
uelewano miongoni mwa jamii umeendelea kujengeka na kuwa imara zaidi.
Akiongelea
maadhimisho hayo katika mkoa wa Iringa, Mkuu wa mkoa amesema kuwa mkoa wake
umeamua kuadhimisha Kumbukumbu ya Mapinduzi Matukufu ya Zanzibar kwa shughuli
ya upandaji miti. Amesema “sote tunatambua umuhimu wa miti katika maisha yetu.
Mkoa umeona ni muhimu kutumia maadhimisho haya kuwakumbusha wananchi umuhimu wa
kutunza mazingira hasa upandaji wa miti, ulindaji na utunzaji wa vyanzo vya
maji.”
Amesema “napenda kuwakumbusha kuwa
upandaji miti na usafi wa mazingira ni utekelezaji wa Ilani ya uchaguzi ya CCM
ya Mwaka 2010. Ilani hiyo inaelekeza umuhimu wa kutunza vyanzo vya maji na
kuhamasisha usafi wa mazingira.”
Mkuu
wa wilaya ya Mufindi, Evarista Kalalu amesema kuwa kumbukumbu hiyo ya Mapinduzi
matukufu ya ya Zanzibar itumike kutafakari nwebendo wa jamii kuanzia ngazi ya
familia hadi taifa katika kulinda Mapinduzi hayo kwa kizaji kilichopo na kizazi
kijacho.
Mwisho,
akitoa shukrani kwa hotuba ya mgeni rasmi, Mwenyekiti wa Halmashauri ya wilaya
ya Mufindi, Peter Tweve amesema kuwa hotuba hiyo imewasaidia wananchi wa wilaya
ya mufindi na mkoa wa Iringa kwa ujumla kukumbuka wajibu wao katika masuala ya
msingi. Ameyataja masuala hayo kuwa ni elimu, afya, lishe, ujenzi wa maabara na
ulinzi na usalama.
=30=
Hakuna maoni:
Chapisha Maoni