Na Mwandishi Maalum Iringa
Shule
ya sekondari ya wasichana Iringa imefanikiwa kudhibiti nidhamu kwa walimu na
wanafunzi katika juhudi za kujenga mazingira mazuri ya kufundishia na
kujifunzia.
Kauli
hiyo ilitolewa na mkuu wa shule ya sekondari ya wasichana ya Iringa, mwalimu
Blandina Nkondola alipokuwa akiwasilisha taarifa ya shule kwa Waziri wa Elimu, Sayansi
na Teknolojia alipotembelea shule hiyo katika ziara ya kikazi hivi karibuni.
Mwalimu
Nkondola alisema “shule yetu imefanikiwa kusimamia
suala la nidhamu kwa wanafunzi na walimu mpaka sasa hali ni tulivu japo kuna
changamoto ndogondogo ambazo tunaendelea kukabiliana nazo na kuzitafutia
ufumbuzi’’.
Akiongelea uelewa wa haki za wanafunzi, alisema kuwa wanafunzi
wamekuwa na uelewa mkubwa sana juu ya haki zao. “Wanafunzi wamekuwa na uelewa mkubwa sana juu ya haki zao pamoja na
suala zima la rushwa na hasa rushwa ya ngono ambayo awali lilikuwa ni tatizo.
Hii inatokana na elimu ambayo wamekuwa wakiipata mara kwa mara kutoka kwa
uongozi wa shule” alisema mwalimu Nkondola.
Akiongelea
changamoto za kielimu, mkuu huyo alizitaja kuwa ni ukosefu wa semina za mara
kwa mara za lugha za alama kwa walimu wanaofundisha lugha za alama. Changamoto
nyingine aliitaja kuwa ni uchache wa wakalimani wa masomo ya sayansi na walimu
wa hisabati, fizikia na chakula na lishe.
Akiongelea
mafanikio ya kiutawala, mkuu wa shule alisema kuwa shule yake imefanikiwa kutokuzalisha
madeni mapya kwa mwaka wa fedha 2016/2017. Alisema kuwa shule yake imefanikiwa
kukarabati mfumo wa umeme na kuchimba kisima cha maji na kuondoa tatizo la
kukatika umeme mara kwa mara na maji kutokana na fedha zilizotolewa na Wizara
ya Elimu, Sayansi na Teknolojia shilingi milioni 60.
Akiwa
shuleni hapo, Waziri wa Elimu, Sayansi na Teknolojia Prof. Joyce Ndalachako
alisema kuwa wizara yake itahakikisha walimu wa lugha za alama wanapatiwa
mafunzo ili waweze kutekeleza majukumu yao kikamilifu. Aidha, aliupongeza mkoa
kwa kusimamia suala la nidhamu katika shule hiyo.
=30=
Hakuna maoni:
Chapisha Maoni