Mheshimiwa
Mkuu wa Wilaya,
Ndugu
Wananchi,
Ndugu
Waandishi wa Habari,
Wageni
Waalikwa,
Mabibi
na Mabwana.
 |
| Mwakilishi wa Mkuu wa Mkoa wa Iringa, Gerald Guninita mbaye ni Mkuu wa Wilaya ya Kilolo |
Ndugu
Wananchi,
Awali ya yote, napenda kumshukuru Mungu kwa kutujalia
afya njema na hatimae leo hii tumekutana hapa.
Aidha, nawashukuru kwa kunialika kuwa mgeni rasmi
katika shughuli hii ya leo.
Pia, nitoe shukrani zangu za dhati kwa Kamati ya
maandalizi kwa maandalizi mazuri.
Kipekee, navishukuru vikundi vyote vya burudani kwa
kutumbuiza vizuri.
Ndugu
Wananchi,
Leo
ni siku ambayo tunafunga Sherehe za maaadhimisho wiki ya maji. Katika Mkoa wetu
wa Iringa, Uzinduzi wa Maadhimisho haya ulifanyika, tarehe 17/03/2014 hapa Ihimbo.
Hii ni heshima kubwa mliopewa wananchi wa Ihimbo, naamini heshima hii inatokana
na ushirika wenu katika shughuli mbalimbali za maendeleo ikiwemo shughuli za ujenzi
wa miradi ya maji. Hivyo nawapongeza sana kwa kujituma kwenu.
Ndugu
Wananchi,
Watu
wanaopata huduma ya majisafi katika Mkoa wa Iringa ni 441,170 sawa na 63.7%
ambapo katika Wilaya ya Kilolo watu 94,288 sawa na 57.9%, Iringa DC watu
172,742 sawa na 68.0% na Mufindi watu 159,763 sawa na 60.1% manispaa watu
116,594 sawa 76.2%. Hali hii bado si nzuri ingawa Tumepiga hatua kubwa na
Serikali bado inajipanga kuhakikisha Wananchi Wanapata huduma bora ya maji safi
na Salama.
Ndugu
Wananchi,
Maadhimisho
haya, yanaongozwa na kauli Mbiu. Mwaka huu kauli mbiu ya Wiki ya maji ni Uhakika wa Upatikanaji wa Maji na Nishati.
Kaulimbiu hii inatukumbusha changamoto inayotukabili juu ya utunzaji wavyanzo
vya maji kama vile Chemchem, Mabwawa, Miito, na Misitu. Utunzaji wa vitu hivi
unatuhakikishia upatikanaji wa maji na nishati. Maji na nishati ni vitu
vinavyochangamana kwa msingi kwamba maji yanatumika kuzalisha nishati kama vile
umeme ambao ni mojawapo ya nishati. Vile vile maji hustawsisha misitu ambayo
huzalisha nishati kama vile Mkaa na Kuni. Hivyo basi uhakika wa maji na nishati
hutegemea sana utunzaji wa mazingira.
Ndugu
Wananchi,
Zipo
sheria mbalimbali za utunzaji wa vyanzo vya maji na misitu. Serikali itachukua
stahiki kwa mtu au kikundi cha watu pale itakapobainika kwamba sheria ya
utunzaji wa mazingira imekiukwa. Sheria
ya Mazingira ya mwaka 2002 unakataza shughuli yoyote ya kibinadamu umbali wa
60m toka ukingo wa mto. Hivyo Wananchi napenda kuwakumbusha juu ya uzingatiaji
wa sheria hii muhimu ili tuweze kuepuka
usumbufu wa kuchukuliwa hatua za kisheria lakini vilevile ili tuweze
kutunza rasimali maji. Wananchi wa Ihimbo tuwe mfano wa kuigwa na wananchi wa
maeneo mengine katika kuhifadhi na kutunza mazingira na vyanzo vya maji kwa
ujumla.
Ndugu Wananchi,
Napenda kuchukua fursa hii kusisitiza juu
ya kudumisha jumuiya za watumia maji kama chombo cha kutunza miradi ya maji.
Pia napenda kuwakumbusha kuwa Serikali imejitoa katika kutunza na kuendesha miradi
ya maji, hivyo ni jukumu kuhifadhi na kutunza miundombinu ya maji.
Ndugu Wananchi,
Pamoja
na Mafanikio yote tunayopata kupituia Kilimo, tunachangamoto kubwa ya UKIMWI ambao hudhoofisha nguvu kazi na maendeleo kwa
ujumla.
Ikumbukwe kwamba
Mkoa wa Iringa kiasi cha Maambukizi ni asilimia 9.1 ambayo bado
ni kubwa ukilinganisha na wastani wa maambukizi ya Kitaifa ambayo ni asilimia 5.1%. Tunakazi kubwa ya kufanya
kuhakikisha kiasi hiki cha maambukizi kinapungua.
Hivyo, kila mmoja wetu awe mwangalifu na Mkweli lakini pia
awe mjumbe katika
kupunguza kasi hii ya maambukizi.
Suala la UKIMWI naamini limemgusa kila mmoja wetu
kama sio katika familia yake basi Ndugu, Jamaa au marafiki. Vijana ni nguvu
kazi ya Taifa, lakini Vijana ndio wapo hatarini zaidi.
 |
| Viongozi waandamizi wa Mkoa |
Ndugu Wananchi,
Suala la Lishe ni Mtambuka na Mkoa Wetu haufanyi
vizuri sana ingawa ni wazalishaji wakubwa wa mazao ya Chakula katika Mikoa ya
Nyanda za juu Kusini. Tafiti mbalimbali zilizofanyika zinaonyesha kuwa asilimia
52% ya watoto wenye umri chini ya miaka mitano hupata tatizo la udumavu ndani
ya Mkoa wetu. Hivyo, tunatatizo kubwa. Naomba tutumie vizuri mazao tunayolima
ili kupunguza Tatizo hili. Tule mlo kamili.
Mwisho Ndugu Wananchi,
Naishukuru Serikali kwa kuupa Mkoa wa Iringa Miradi
mingi ya Maji ili kuondo Tatizo la Maji kwa Wananchi. Na sisi wananchi
tunachotakiwa kuunga Mkono juhudi za Serikali kwa kuhakikisha tunatunza vyanzo
vya maji na tunasimamia kikamilifu miradi ya maji.
MAJI NI UHAI
TUYATUNZEASANTENI KWA KUNISIKILIZA
Hakuna maoni:
Chapisha Maoni