Na. Ofisi ya Mkuu wa Mkoa
MKUU wa Mkoa wa Iringa amewataka
wananchi wa jimbo la Kalenga kujitokeza kwa wingi kupiga kura za kumchagua
mbunge wa jimbo hilo.
Mkuu wa Mkoa wa Iringa, Dkt. Christine Ishengoma (Mb.) akiongea na waandishi wa habari kuhusu uchaguzi wa Mbunge wa jimbo la Kalenga ofisi kwake.
Kauli hiyo ya Mkuu wa Mkoa wa Iringa,
Dkt. Christine Ishengoma ameitoa alipoongea na waandishi wa habari ofisini
kwake kuelezea hali halisi katika jimbo la uchaguzi la Kalenga na kuwataka
wananchi wa jimbo hilo kujitokeza kwa wingi kumchagua mbunge katika uchaguzi
utakaofanyika tarehe 16/03/2014.
Akiongelea ulinzi na usalama, Mkuu wa
Mkoa ambaye pia ni Mwenyekiti wa Kamati ya Ulinzi na Usalama katika Mkoa wa
Iringa amewahakikishia wananchi kuwa ulinzi utakuwepo wa kutosha na vyombo vya
ulinzi na usalama vimejipanga kuhakikisha amani na usalama kwa wananchi katika
kipindi chote cha kupiga kura na wakati wa kutoa matokeo.
Dkt. Ishengoma amesema kuwa
maandalizi yamekamilika na vifaa vyote vinavyohitajika vimefika katika vituo
vya kupigia kura. Amesema kuwa vituo vyote vitakuwa wazi kuanzia asubuhi hadi
jioni kwa muda uliopangwa.
=30=
Hakuna maoni:
Chapisha Maoni