Na. ofisi ya Mkuu wa Mkoa IRINGA
Maziwa ya mama yanatosha kujenga
mwili wa mtoto na kuupa nguvu za kukabiliana na maradhi pasipo kutumia chakula
kingine chochote kwa miezi sita ya mwanzo.
Kauli hiyo imetolewa na Katibu Mkuu
wa Wizara ya Afya na Ustawi wa Jamii Charles Pallangyo aliyekuwa ngeni rasmi kwenye kilele cha
maadhimisho ya wiki ya unyonyeshaji duniani yaliyofanyika mjini Mafinga
wilayani Mufindi.
 |
| Katibu Mkuu, Wizara ya Afya na Ustawi wa Jamii Charles Palangyo |
Palangyo amesema “maziwa ya mama
yanatosha kujenga mwili wake, kuupa nguvu na kuukinga dhidi ya maradhi. Umri
sahihi wa kumwanzishia mtoto vyakula vya nyongeza, maji au vinywaji vingine vya
ziada ni wakati anapotimiza umri wa miezi sita”. Amesema kuwa mtoto anapaswa
kuendelea kunyonyeshwa hadi afikishe umri wa miaka miwili au zaidi na
kusisitiza kuwa kipindi hicho maziwa ya mama huendelea kuchangia mahitaji ya
mtoto kilishe.
Katibu Mkuu amesema kuwa watoto
wanaonyonyeshwa vizuri huwa na maendeleo mazuri katika ukuaji wao kimwili na
kiakili jambo linalowafanya kuwa na uelewa mkubwa wa mambo. Amesema kuwa kunyonya
vizuri kusawasaidia kufanya vizuri shuleni kwa kupata alama mzuri darasani.
Amesema kuwa kunyonya vizuri maziwa hayo huwafanya watoto kuwa na uwiano mzuri
wa uzito na urefu na kuepusha tatizo la ukondefu. Amesema kuwa maziwa hayo
huwasaidia kuwa na uwiano mzuri wa uzito na umri jambo linatoondoa tatizo la
uzito mdogo.
Akiongelea athari za kutokunyonyesha
watoto maziwa ya mama, Palangyo amezitaja athari hizo kuwa ni kuongezeka kwa
idadi ya watoto wanaopata maradhi ya kuhara, mfumo wa kupumua na watoto kuwa na
uzito uliozidi na kiribatumbo ambayo huweza kuwaletea maradhi yasiyo ya
kuambukiza kama moyo.
Katika salamu za mkuu wa mkoa wa
Iringa zilizosomwa na Katibu Tawala Mkoa wa Iringa, Wamoja Ayubu amesema kuwa
katika kukabiliana na tatizo la utapiamlo mkali mkoani Iringa, serikali kupitia
wizara ya afya na ustawi wa jamii imeanzisha progrmu ya kuongeza virutubishi
kwenye chakula hasa unga wa ngano, mahindi na mafuta ya kula. Amesema kuwa
programu hiyo itboresha afya za watanzania hasa wanawake wajawazito na
kuwapatia virutubisho vya kutosha kulisha watoto wachanga wakiwa tangu tumboni
kwa mama zao na baada ya kujifungua kupitia maziwa ya mama.
 |
| Katibu Tawala Mkoa wa Iringa, Wamoja Ayubu |
Akiongelea takwimu, Wamoja amesema
kuwa takwimu za kiafya na kidemografia zinaonesha kuwa asilimia 52 ya watoto
chini ya miaka mitano wana udumavu katika mkoa wa Iringa ikilinganishwa na
kitaifa asilimia 42. Amesema kuwa upande wa wanawake walio kwenye umri wa
kujifungua takwimu zinaonesha kuwa kuwa asilimia 10.9 ya wanawake wajawazito
wana maambukizi ya Ukimwi ikilinganishwa na wastani wa kitaifa ambao ni
asilimia 5.7 kwa takwimu za viashiria vya Malaria na Ukimwi za mwaka 2012.
=30=
Hakuna maoni:
Chapisha Maoni