Na. Ofisi ya Mkuu wa Mkoa IRINGA
Serikali imedhamiria kutokomeza
ugonjwa wa Surua kwa kufanya kampeni ya kitaifa ya chanjo ya Surua-Rubella kwa
watoto wote wenye umri usiozidi miaka 14.
 |
| Mkuu wa Wilaya ya Iringa, Dkt. Leticia Warioba |
Kauli hiyo imetolewa na Mkuu wa Mkoa
wa Iringa, Dkt. Christine Ishengoma katika hotuba yake iliyosomwa kwa niaba
yake na Mkuu wa Wilaya ya Iringa, Dkt. Leticia Warioba katika ufunguzi wa kikao
cha kamati ya uraghabishi na uhamasishaji wa kampeni ya chanjo ya Surua-Rubella
ya Mkoa wa Iringa kilichofanyika katika ukumbi wa mikutano wa Ofisi ya Mkuu wa
Mkoa.
Dkt. Ishengoma amesema kuwa kuanzia
mwaka 1999 serikali imekuwa ikifanya kampeni za chanjo ya surua kila baada ya
miaka mitatu. Amesema kuwa kabla ya kuanza kampeni hiyo mwaka 1999 takwimu
zilionesha kuwa karibu asilimia 90 ya watoto walio chini ya miaka 15 walipata
ugonjwa wa surua. Amesema kuwa zaidi ya watoto milioni mbili kati yao
walifariki na kati ya watoto 15,000 na 60,000 walipata ulemavu wa kutoona kila
mwaka duniani. Amesema kuwa maradhi haya yanapungua kwa sababu ya kuimarishwa
utoaji wa chanjo kwa watoto kwa zaidi ya asilimia 80.
Mkuu wa Mkoa amesema kuwa kuanzia
tarehe 24 hadi 30 Septemba, 2014 Wizara ya Afya na Ustawi wa Jamii kupitia Mpango wa Taifa wa Chanjo ikishirikiana na wadau wa chanjo itafanya kampeni ya
kitaifa ya Chanjo ya Surua-Rubella kwa watoto wote walio na umri kati ya miezi
tisa hadi miaka 14. Amesema kuwa kampeni hiyo itahusisha utoaji wa matone ya chanjo ya
kuzuia kupooza kwa watoto wenye umri wa miezi 0 hadi miezi 59, utoaji wa
vidonge vya vitamin 'A' kwa watoto wenye
umri wa miezi 6 hadi miezi 59 na vidonge vya kutibu minyoo kwa watoto wenye
umri wa miezi 12 hadi 59.
 |
| Wadau wa Chanjo Mkoa wa Iringa |
 |
| Wadau wa chanjo Mkoa wa Iringa |
Akiongelea kampeni hiyo mkoani
Iringa, Mkuu wa Mkoa amesema kuwa kampeni hiyo itahusisha watoa chanjo 548,
wahamasishaji 822 ikitarajia kuwafikia watoto 429,078 wenye umri wa miezi 9-14.
Amesema kuwa chanjo ya Surua-Rubella inaanzishwa nchini kwa ushauri wa
kitaalamu wa Shirika la Afya duniani.
Amesema kuwa pamoja na kiwango cha
chanjo kuwa juu bado milipuko imeendelea kutokea kutokana na karibu asilimia 20
ya watoto ambao hawakupata chanjo hiyo awali na wa le waliopata chanjo kwenye
umri wa miezi 9 karibu asilimia 15 hawakupata kinga kwa sababu za kibaiojia
katika umri huo.
=30=
Hakuna maoni:
Chapisha Maoni