Na. Ofisi ya Mkuu wa Mkoa
Mkoa
wa Iringa unajivunia mafanikio ya kiuchumi yaliyofikiwa hadi kuongeza pato la
Mkoa kufikia shilingi milioni 2,755,924.
Kauli
hiyo imetolewa na Mkuu wa Mkoa wa Iringa, Mhe. Amina Masenza alipokuwa
akiwasilisha taarifa ya Mkoa wa Iringa kwa Waziri Mkuu wa Jamhuri ya Muungano
wa Tanzania anayefanya ziara ya kikazi Mkoani Iringa katika Ikulu Ndogo ya
Iringa.
 |
| Mkuu wa Mkoa wa Iringa, Amina Masenza |
Mhe.
Masenza amesema kuwa pato la Mkoa wa Iringa limeongezeka kutoka shilingi
milioni 1,702,430 mwaka 2010 hadi kufikia shilingi milioni 2,755,924 mwaka
2013. Amesema kuwa pato la mkazi limeongezeka kutoka shilingi 1,740,947 mwaka
2010 hadi kufikia shilingi 1,990,043 mwaka 2013. Amesme kuwa ongezeko hilo ni
sawa na asilimia 14. Amesema kuwa pato hilo la Mkoa linaufanya Mkoa wa Iringa kuwa
wa pili kitaifa katika kuwa na pato kubwa la mwananchi.
Mkuu wa Mkoa wa
Iringa amesema kuwa pato la Mkoa huchangiwa na shughuli za kilimo, viwanda,
biashara, uvuvi, ufugaji wa samaki, ufugaji wa nyuki na biashara ya mazao ya
misitu.
=30=
Hakuna maoni:
Chapisha Maoni