Mkuu wa mkoa wa Iringa, Mheshimiwa Amina
Masenza amewatakia heri ya sikukuu ya Iddi wananchi wote na kuwataka
kusherehekea katika hali ya amani na utulivu.
 |
 |
Mheshimiwa Masenza ameyasema hayo
alipokuwa akiongea na waandishi wa habari wa mkoa wa Iringa jana ofisini kwake.
Mheshimiwa Masenza amewapongeza
waislamu wote kwa mfungo mtukufu wa Ramadhan na kuwatakia heri katika sikukuu
ya Iddi yenye baraka tele.
Amewahakikishia kusherehekea vizuri
na kusema kuwa vyombo vya usalama vipo macho muda wote kuhakikisha amani na
usalama vinakuwepo wakati wote.
Kufuatia fununu za kusudio la kufunga
maduka mjini Iringa, mkuu wa mkoa amewahakikishia wananchi wa mkoa wa Iringa
kuwa maduka hayatafungwa na wananchi wanedelee na ratiba zao za kununua
mahitaji kadri watakavyojaaliwa. Amesema kuwa ameongea na Mwenyekiti wa
wafanyabiashara na kumtaka kutokufunga maduka hayo. Ameongeza kuwa iwapo kuna
tatizo wakutane mezani baada ya mapumziko ya sikukuu na kujadili kwa pamoja.
=30=
Hakuna maoni:
Chapisha Maoni