Na Ofisi ya Mkuu wa Mkoa
Kiongozi
wa mbio za Mwenge wa Uhuru mwaka 2016 George Mbijima ameitaka jamii kuwajengea
uelewa wanafunzi wa shule za msingi na sekondari juu ya madhara ya rushwa
katika kupata haki na kujenga uchumi wa Taifa.
Mbijima
alitoa kauli hiyo alipokuwa akitoa ujumbe wa Mwenge wa uhuru mwaka 2016 kwa
wananchi wa mji wa Mafinga katika uwanja wa mashujaa mjini Mafinga.
Mbijima
alisema kuwa mapambano dhidi ya rushwa si juhudi za Taasisi ya kuzuia na
kupambana na rushwa (Takukuru) peke yake bali ni jukumu la jamii mzuma. “Umefika wakati wa kuwajengea uwezo na uelewa
vijana wa shule za msingi na sekondari juu ya madhara ya rushwa kwa kupata haki
ya mwananchi na madhara ya rushwa kwa uchumi wa Taifa” alisisitiza Mbijima.
Aliongeza kuwa wapo watoto wa kike wanaonyanyasika katika mapambano yao ya
kujiletea maendelea ya kielimu na kiuchumi kutokana na rushwa ya ngono na
hatimae kupata Ukimwi.
Alisisitiza kuwa vijana wajengewe utamaduni kwa kuchukia
rushwa ili wawe wazalendo wa kweli kuwa kuichukia rushwa na mazingira yote
yanayoashiria vitendo hivyo. Aliwataka vijana kuwa mstari wa mbele katika
kufichua vitendo vya rushwa kwa kutoa taarifa Takukuru na kuwa tayari kutoa
ushahidi pindi wanapotakiwa kufanya hivyo.
Akiongelea
mapambano dhidi ya maambukizi ya ukimwi, kiongozi huyo wa mbio za Mwenge wa
uhuru alisema kuwa lengo la Taifa ni kufikia sifuri tatu ifikapo mwaka 2030
nchini Tanzania. Alizitaja sifuri hizo tatu kuwa ni kuzuia maambukizi mapya ya
virusi vya Ukimwi ili wasio na maambukizi wasipate na wenye maambukizi wasipate
maambukizi mapya. Nyingine ni kuondoa unyanyapaa kwa kutokuwatenga wenye
maambukizi kwa sababu hakuna aijuae kesho yake.
Sifuri ya tatu aliitaja kuwa ni
kuondoa vifo vitokanavyo na ugonjwa wa Ukimwi. “Katika kufanikisha mapambano hayo, wazizi waendelee kuwalea vijana
katika maadili mema yanayozingatia maslahi ya nchi, vijana wakiachwa wenyewe
wanapata fursa ya kujiingiza katika makundi maovu” alisisitiza Mbijima.
=30=
Hakuna maoni:
Chapisha Maoni